قصص اطفال قبل النوم باللغة العامية

قصص اطفال قبل النوم باللغة العامية من القصص التي تبحث عن الأمهات، وذلك لأنها تساهم في نوم الطفل سريعًا، كما أنها تشعر بالسعادة قبل النوم، وتزيد من قوة الترابط العاطفي بين الابن وأمه، كما أن القصص يمكن من خلالها نقل الكثير من القيم والمبادئ إلى الأطفال، لذا سنوضح بعض القصص العامية بشيء من التفصيل من خلال منصة وميض.

قصص اطفال قبل النوم باللغة العامية

نجد أن الأطفال الذين لازالوا في سن صغير يقدرون على فهم واستيعاب القصص العامية أكثر من غيرها من القصص التي تكون باللغة العربية الفصحى، وذلك لأن كلماتها تكون سهلة ويتم استعمالها أمامهم بشكل يومي، لذا سنوضح أفضل قصص اطفال قبل النوم باللغة العامية بشيء من التفصيل في الفقرة التالية:

أولاً: قصة الفئران الثلاثة

كان يا ما كان كان فيه مزرعة كبيرة جدًا جميلة ومليانة بالخضرة والزهور الملونة، وكان عايش فيها 3 فئران، كل يوم يطلعوا من بيوتهم يفضلوا يجروا ويلعبوا طول اليوم لحد ما يتعبوا خالص، وبعدين يروحوا البيت بتاعهم تاني.

وفي مرة من المرات وهما مشغولين في اللعب حسوا أنهم جعانين جدًا، ففكروا أنهم يدوروا على طعام مع بعض في الأماكن الموجودة حواليهم، وفعلاً فضلوا يعملوا كده حوالي ساعة، وبعدين شافوا جرة فيها عسل كتير جدًا جدًا، بس فيه مشكلة كبيرة جدًا أن الجرة دي عميقة أوي وصعب أنهم يوصلوا إلى العسل بسهولة.

قعدوا يفكروا في خطة تساعدهم على الوصول للعسل بسرعة، لحد ما قرروا أن كل فار فيهم يمسك ديل الفار التاني كويس جدًا ويعملوا حبل طويل بجسمهم علشان يوصلوا للعسل، ويخلوا كل مرة في المقدمة فار مختلف عن التاني لحد ما هما التلاتة يأكلوا ويشبعوا من العسل، وكما قرروا أن العسل هيتقسم بينهم بالعدل، ومحدش فيهم هياكل من حق التاني حاجة.

فعلاً نفذوا الخطة، ولكن أفكارهم اتغيرت كل واحد بدأ يفكر بطريقة تانية، فالفار الأول فكر في أنه يأكل كل العسل اللي في الجرة، ويقول لهم إن مفيش عسل هنا يكفيهم، ويادوب هو أكل منه بس وخلص، والفار التاني فكر في أنه يسبق التانيين وياكل من العسل قبل ما يأكلوا هما وما يلاقيش حاجة تشبعه، والتالت قال: هما الاتنين هيخلصوا كل العسل ال في الجرة وأنا مش هيتبقى ليا أي حاجة.

كل واحد فيهم فكر في نفسه وبس ودي حاجة خليتهم يسيبوا ديل بعض بسرعة ويقعوا الثلاثة في الجرة العميقة، ويغرقوا، وبكده نتعلم من القصة إن الطمع قل ما جمع، والانانية ممكن تعرض الشخص للهلاك، وعلشان كده أنا بعتبر القصة دي من أحسن قصص اطفال قبل النوم باللغة العامية.

اقرأ أيضًا: قصص خيالية طويلة للاطفال

ثانيًا: قصة العنكبوت عنكب

القصة دي من أجمل قصص اطفال قبل النوم باللغة العامية حيث إنه يقال إنه في عنكب يعيش على فرع من فروع الشجر، بيحب العنكب ده أنه يتفرج على عش الطيور علطول علشان بتفرحه الحاجات ال بيشوفها فيها جدًا، فشاف طيور كتير قاعدة على البيض بتاعها في الأعشاش مستنية أن البيض يطلع صغارها.

وشاف طيور تانية بتروح تجيب أكل كتير جدًا لاطفالها علشان تفرحهم، وكمان بص تحت الشجرة اللي كان واقف عليها، شاف أرنب بيحفر في الأرض علشان يحط أطفاله في الحفر دي علشان يحافظ عليها من أي أذى، فحس العنكب إن هو كما محتاج يكون عنده بيت ويعيش حياة مستقرة زي كل الحيوانات اللي حواليه.

فنول عنكب من على الشجر وفضل يدور على قش علشان يعمل عش ليه، وفعلاً لقى قش كتير جدًا بس يا حرام عنكب ما أقدرش يشيل قشة واحد بس علشان يبني بيت ليه، وبعدين فكر في إنه يحفز حفرة في الأرض زي الأرنب ال شافه، بس بردو لما جرب يحفر ما عرفش علشان ما عندوش حوافر وأسنان زي الأرانب.

حس العنكب بالحزن الشديد وفضل قاعد مع نفسه فكرة طويلة جدًا مكتئب، وفي مرة من المرات وهو قاعد مع نفسه شافه عنكبوت تاني كان معروف بالحكمة، فسأله: مالك يا عنكب ايه اللي مزعلك كده؟ فرد عنكب وقاله: أنا مش عارف ازاي اعمل عش أو حفرة أعيش فيها أنا وأولادي زي كل الحيوانات ال بشوفها.

أول ما سمعه العنكبوت الحكيم فضل يضحك كتير على كلامه، استغرب عنكب جدًا وقال للعنكبوت الحكيم هو أنا قولت ايه بيضحك أوي كده؟ راح رد العنكبوت الحكيم عليه وقاله: بص يا عنكب ربنا خلق أناث العناكب هي بس ال عندها قدره تبني البيوت، لكن أحنا الذكور ما نقدرش نعمل كده بنفسنا، ولا نقدر نكون أسرة بردو لوحدنا.

وكمل العنكوب الحكيم كلامه وقال: الأنثى عندها خمس غدد حريرية موجودين في بطنها، وهما ال بيخلوها تعرف تعمل خيوط كتير علشان تحط فيها بيضها ولازم تبقى عارف إن البيض بيكون كتير ممكن يبقى 150 بيضة بس مش كل البيض ده بيعيش يا عنكب، البيض قوي بس هو ال بيفضل والباقي بيموت.

راح رد عنكب وقال: يعني الحل دلوقتي هو اني اتجوز صح كده؟ راح جاوبه العنكبوت بسرعة وقاله أوعى تعمل كده علشان هتموتك يا عنكب، استغرب عنكب وقاله: هتموتني ليه وأنا جوزها، رد العنكبوت أن الأنثى بتقتل جوزها علشان بيلزق في عش البيض، وممكن يقطعه، يخلص صغارها يموتوا.

وكمل العنكبوت الحكيم كلامه وقال: ده كمان صغار العنكبوت أول ما بيخرجوا من البيض، بيقتلوا بعض، وعلشان كده القصة دي تعتبر من أجمل قصص اطفال قبل النوم باللغة العامية، علشان بتفهمنا معنى قول الله تعالى في القرآن الكريم:
(وَإِنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُواْ يَعْلَمُون).
اقرأ أيضًا: قصص مسلية للأطفال قبل النوم

ثالثًا: قصة بائعة الآيس كريم اللذيذ

عند التحدث عن قصص اطفال قبل النوم باللغة العامية، يجب الأنغر عن ذكر هذه القصة حيث يحكى أنه في يوم من الأيام كان فيه بنت اسمها سارة، كانت معروفة بالجمال والأدب والأخلاق، وكانت متعودة أنها ما تكدبش خالص مهما حصل، بس أسرة سارة كانت فقيرة جدًا، وعلشان كده كان باباها ومامتها وأخواتها بيشتغلوا علشان يكسبوا المال اللي يقدروا يشتروا بيه الطعام والشراب، وكانت سارة مش بتشتغل خالص.

بس الظروف الصعبة اللي كانت بتمر بيها أسرتها خليتها تفكر في إنها تشتغل، وطلب ده من أسرتها فرفضوا ذلك في البداية، علشان كانوا شايفين إنه ده واجب عليهم هما أنهم يوفروا ليها كل احتياجاتها، بس سارة صممت أنها تشتغل بأي طريقة، فوافقوا بشرط واحد فقط هو أن الشغل اللي هتشتغله ما يقصرش على دراستها بأي شكل من الأشكال، ولا يسبب لها الإحساس بالتعب والإرهاق.

بس فكروا في الشغل اللي ممكن يحقق الشروط دي، فافتكروا أن سارة شاطرة جدًا في تحضير الآيس كريم حيث إنها تقوم بعمله بنكهات كتيرة، وكل نكهة ألذ من الأخرى، ففكروا يشتروا ليها عربة متحركة، واشتروا كمان كل الأدوات اللي محتاجاها سارة علشان تجهز الآيس كريم، وفي أول يوم قررت تعمل كمية قليلة علشان كانت خايفة إنه ما يتبعش.

ولكن المفاجأة اللي ماكانتش هي تتوقعها أو أي حد من أسرتها كان يتوقعها أن الكمية كلها خلصت، والناس بدأت تطلب منها كميات أخرى، سارة فرحت جدًا، وبدأت تشكر وتحمدربنا كتير أوي، وكانت متأكدة أن الرزق الكتير ده من عند ربنا وإن ربنا خلق أسباب كتيرة علشان تاخد الفلوس دي.

ربنا هو المقدر أن الناس تاكل من الآيس كريم بتاعها وبعد كده يتكلمون عن حلاة الآيس كريم بتاعها، فالناس تروح علشان تجربه والكمية كلها تخلص بالسرعة دي، وكانت مدينة سارة معروفة بالفقر الشديد بسبب إن الملك كان شرير وكان بياكل حق الناس الغلابة وبيفرض عليهم ضرايب كتير أوي، أوقات ما كانوش بيقدروا يدفعوها.

وفي يوم من الأيام مر الملك على المكان اللي بتوقف فيه سارة بعربة الآيس كريم، فشاف إنه فيه ناس كتير أوي واقفة بتشتري منها آيس كريم، فقال للحراس أنا ما شوفتش العربة دي هنا قبل كده، فرد الحارس عليه، وقال إنه دي سارة بنت بتبيع آيس كريم، فقرر الملك إنه يجرب الآيس كريم بنفسه علشان يعرف هو حلو ولا لا.

راح الملك لسارة وقالها بنبرة صوت قاسية أنا عايز أفضل نوع آيس كريم عندك، حست سارة بالخوف الشديد منه، وقالتله كل الحاجات اللي عندي طعمها حلة جدًا، راح بصلها الملك جامد، فجهزت له سارة الآيس كريم وأديتهوله وهي خايفه منه جدًا وبتترعش، وبدأ الملك ياكل الآيس كريم لحد ما خلصه كله، وبانت علامات السعادة على وشه.

قرر الملك بعد ساعتين بالظبط إنه هيعين سارة في المطبخ الملكي عنده علشان تحضر الآيس كريم ليه هو بس، زعلت سارة علشان هي اتعودت على تقديمه لأهل المدينة الغلابة، مع أنها عارفه أنها هتقبض فلوس كتير أوي ومش هخلي أهلها يشتغلوا ويتعبوا، كمان أهل المدينة زعلوا علشان اتعودوا على سارة، وعلى تناول الآيس كريم بتاعها بس.

كمان أهل المدينة خافوا من أن الملك يعمل حاجة تضرها علشان كان شرير أوي، فقررت سارة أنها تبعت رسالة اعتذار للملك إنها مش هتقدر تشتغل في المطبخ الملكي حتى لو هتاخد فلوس كتير، علشان هي مش بتشتغل علشان الفلوس هي بتشتغل علشان تنشر السعادة بين أهل المدينة، فغضب الملك وأمر الحراس أنهم يحضروها إلى القصر غصب عنها.

وبكده أقتربت إحدى قصص اطفال قبل النوم باللغة العامية من الانتهاء فأهل المدينة لما عرفوا كده غضبوا جدًا بسبب حبهم لسارة، فقرروا أنهم هيتخلصوا من الملك الشرير ده خالص وهينقذوا سارة، وبعد كده هيختاروا ملك عادل وطيب علشان يحكم المدينة، وال بنتعلمه من القصة دي أننا نساعد أهلنا وربنا أكيد هيرزقنا، وأننا ننشر السعادة بين الناس، ونتعامل بتواضع.

كمان لازم نشكر ربنا على الرزق ال بيقدمه لينا علطول علشان يزيد ويكتر، ونعامل الباعة الجائلين بطريقة كويسة علشان هما ليهم مشاعر، وعلشان كده القصة دي لازم ما ننسهاش ابدًا.

اقرأ أيضًا: قصص قصيرة فيها حكمة عظيمة

رابعًا: قصة الطاووس المغرور

طبعًا لما بنشوف الطاووس في التلفزيون أو في حديقة الحيوان أو في الصور بنبقى فرحانين أوي ومش قادرين نبعد عينينا عنه علشان ألوانه الجميلة أوي وال بيخليه أحلى من طيور كتير تانية إن فيه أكتر من لون، وعلشان كده ممكن يحس الطاووس بالغرور، وده ال هيخلينا نحكي قصة الطاووس المغرور علشان هي من أحسن قصص اطفال قبل النوم باللغة العامية.

في يوم من الأيم في الوقت اللي بتشرق فيه الشمس خرج الطاووس من بيته وكان سعيد أوي ومعتز بنفسه وريشه منفوش، وبيفضل ماشي قدام الطيور التانية والحيوانات الموجودة جمبه علشان يفرجهم حلاوة ريشه، وكان طائر الكناري معدي من قاد الطاووس، فقاله: صباح الخير، راح الطاووس باصص بطريقة متكبرة لطائر الكناري، وقاله صباح النور.

حس طائر الكناري بالحزن الشديد بس مارضاش يقول حاجة مش كويسة للطاووس لأنه صاحبه وبيحبه، ونفسه إن شخصيته تتغير في أقرب وقت علشان كل الحيوانات تحبه بدل ما هي بتكرهه بسبب غروره.

كمل الطاووس المشي بين الحيوانات وهو مرفوع الرأس، فشاف الحمامة السوداء مجروحة في جناحها جامد ومش قادر تتحرك من مكانها بسبب الوجع، بصت ليه الحمامة السوداء واستنت إنه يقوله ألف سلامة عليكي بس هو ما عملش كده علشان شايف ريشه بألوان كتيرة وهي سوداء، وما بصش إنها عندها قدرة تطير، وهو ما عندوش القدرة دي.

فضل الطاووس ماشي علشان يوصل إلى صحابه الطواويس، وشاف في رحلته الغراب الأسود ففضل يسخر منه علشان كان شايف إن شكله مش حلو خالص زيه، الأول كان الغراب بيتخانق مع الطاووس علطول بسبب سخريته منه بس مع مرور الوقت بقى مش بيرد عليه علشان عارف إن نهاية الغرور وحشة أوي.

المشكلة إن الطاووس كان بردو بيتريق على صحابه اللي من نفس نوعه علشان هو كان أصغرهم سنًا وكان عنده صحة ونشاط وحيوية، كان دايمًا بيقولهم أنا عارف إنكم غيرانين مني علشان مش عارفين توصلوا لنفس المستوى اللي أنا وصلتله، والكلام القاسي ده كان بيسبب مشاكل بينه وبين صحابه وبدأوا يبعدوا عنه خالص.

وها قد اقتربنا من نهاية قصة من أفضل قصص اطفال قبل النوم باللغة العامية فالطاووس جاله مرض خطير أوي ومالوش علاج وبسبب إن علاقته بكل صحابه مش كويسة علشان هو مغرور محدش راح يطمن عليه غير عدد قليل أوي من الطيور، وبسبب المرض ده كان بيقع ريش كتير من الطاووس، فزعل جدًا وكان مكتئب لفترة طويلة.

علشان ما كانش متخيل إن الحاجة اللي يتخيله أحلى من الطيور الأخرى ممكن تروح منه كده بسرعة، وفضل يفكر في إنه أزاي هيقدر يمشي قدامهم بفخر، كما حس إنهم هيعاملوا بنفس الطريقة اللي كان بيتعامل بينها وهيسخروا منه بس اتفاجئ بإن الحمامة السوداء راحت تطمن عليه، كمان الغراب راح يزوره، ولكا الحمامة والغراب حسوا إن ده ليه دور في علاجه.

دعوا كل الحيوانات إلى زيارة الطاووس، وفضلوا يتكلموا مع بعض ويضحكوا، وأتأسف ليهم الطاووس على كل الكلام القاسي اللي قاله ليهم، وبعد مرور فترة رجعت حالة الطاووس كويسة جدًا تاني، وريشه طلع بس اتعلم إنه ما ينفعش يتكبر تاني على صحابه وأتغير للأحسن.

واللي بيخلي القصة دي من أجمل القصص إنها بتعلمنا إننا ما نتكبرش على أي حد في حياتنا، ولا نشمت فيه علشان ممكن نتعرض لنفس الموقف في أي وقت، وإن الله تعالى يحب المتواضع ويجعله يسكن الدرجات العالية من الجنة.

يمكن أن تساعد المرأة طفلها على النوم دون المعاناة من أحد اضطرابات النوم من خلال قراءة إحدى قصص اطفال قبل النوم باللغة العامية له.